Caixa regalo 1 tarro + 2 velas

Este pack é perfecto se buscas un agasallo que decore e que, ademais, se poida gozar na mesa. Combinamos a forza do noso mel do Irixo con dúas das nosas velas de cera pura, creando un conxunto equilibrado e moi acolledor.

Que inclúe este pack agasallo?

• 1 tarro de mel de castiñeiro (250g): o noso mel cru de sempre, colleitado nos montes de Ourense. Ten esa cor escura e ese sabor auténtico que só dá o castiñeiro autóctono de Galicia.
• 2 velas de mel e cera de abella: feitas a man, unha a unha. Ao seren dúas, son ideais para crear un rincón especial na casa. Non levan parafinas, polo que desprenden un aroma doce e limpo que purifica o aire de forma natural ao acendelas.
• Extras: como sempre, incluímos o palito meleiro de madeira e a caixa de madeira de presentación para que o agasallo estea completo.

Un agasallo con alma rural 

Todo o que ves neste pack sae do noso traballo directo coas colmeas. Montamos cada caixa manualmente en Ourense, coidando que cada detalle reflexe o cariño polo que facemos. É unha opción xenial para un detalle de voda, un agasallo para un cliente, un reencontro con algún amigo ou simplemente para sorprender a alguén querido con algo artesán e útil.

Información de envío e compra

📍 Tendas físicas: podes pasarte por el nos nosos puntos de venda de Ourense e Santiago de Compostela. 

📦 Envíos: chegamos a calquera punto de Galicia e España con envíos rápidos para que o teu detalle chegue a tempo.