Caixa regalo 1 tarro + 1 vela + 1 labial

Se buscas un agasallo que sexa práctico pero á vez moi especial, este pack é unha aposta segura. Reunimos tres esenciais da colmea que ofrecen unha experiencia de benestar total, dende o sabor intenso do mel ata a luz dunha vela natural.

Que inclúe este pack agasallo?

• 1 tarro de mel de castiñeiro (250g): colleitado nos nosos colmeares repartidos polo Irixo. É un mel cru e escuro, con ese sabor a monte tan característico de Galicia. Ao ser 100% natural, conserva todas as súas propiedades intactas.
• 1 vela de mel e cera de abella: feita a man no noso obradoiro. Ao acendela, notarás un aroma suave e doce que nada ten que ver coas velas industriais. É perfecta para crear un ambiente acolledor e saudable na casa.
• 1 bálsamo labial de cera natural: un imprescindible para protexer os labios en calquera época do ano. Ademais de hidratar grazas á cera das nosas abellas, inclúe protector solar para que luzas un sorriso coidado tanto no inverno coma no verán.
• Extras: como todos os nosos pedidos, inclúe o palito meleiro de madeira e a caixa de madeira de presentación.

Un agasallo moi rural 

Preparamos cada pack de forma individual, co mesmo cariño co que coidamos as nosas colmeas en Ourense. É un detalle perfecto para aniversarios, para ter un xesto cun compañeiro de traballo ou simplemente para sorprender a alguén que valora os produtos artesáns e de proximidade.

Información de envío e compra: 

📍 Tendas físicas: Ven vernos a Ourense ou Santiago de Compostela. 

📦 Envíos:Enviamos a diario a toda Galicia e España para que o teu agasallo chegue perfecto ao seu destino.